“Miss na miss mo na ba ako?”, tanong mo sa akin
Tanong na para sa iyo’y simple lang
Madaling sagutin sapagkat ang nararamdama ko’y totoo
Ngunit paano ipapakita kung walang pagkakataon man lang.

“Mas priority kita kesa sa sarili ko
At di mawawala iyon pag nawala ka na,” sabi mo
Paano sasabihing buong buhay ko’y nakalaan na sa iyo
At walang katagang katumbas sa lahat ng gustong iparamdam.

Tulad ng isang balsa, ang mga sagot at nararamdaman ko para sa iyo ang siyang bumubuo dito
Kay lawak nang natatanaw, ngayo’y nasa kabilang laot ka… masaya
Kung dumating ang panahon na ang simpleng balsa’y kailanganin mo
Susuungin nito ang lahat, kahit katumbas nito’y kanyang pagkasira.

(“Do you miss me that bad?” you asked
For you, it’s just a simple question
So easy to answer because the feeling is true
But how can I show it if there’s no chance.

“You are my priority over myself
And it will remain that way even if you’re gone,” you said
How can I tell you that I’ve already gave you my whole life
And There’s no right word for all the feelings I want to share with you.

Like a raft, it was built by the answers and feelings I have for you
What you see is so vast, you’re now at the other end… happy
If time comes you will need the simple raft
It will endure everything, even if it will mean its destruction.)